ქართული ოცნების ერთ-ერთი ლიდერის, მამუკა მდინარაძის თქმით, უმრავლესობის 92 დეპუტატი საკონსტიტუციო ცვლილებებს გარანტირებულად მხარს დაუჭერს. ამ თემაზე მან კომენტარი ქართული ოცნების ოფისში გამართული უმრავლესობის სხდომის შემდეგ გააკეთა.

"არათუ მხარდაჭერის იმედი, არამედ კიდევ ერთხელ დადასტურდა ის, რასაც მყარად ვაფიქსირებდით და თამამად, 92 დეპუტატი, რომელიც აფიქსირებდა აქამდეც მხარდაჭერას საკონსტიტუციო ცვლილების მიმართ, მხარს დაუჭერს გარანტირებულად", — თქვა მამუკა მდინარაძემ.

მისი თქმით, უმრავლესობის მხრიდან 92 მხარდამჭერი პირველივე მოსმენაზე დაფიქსირდება და ცვლილებას მხარი ოპოზიციის იმ დეპუტატებმაც უნდა დაუჭირონ, რომლებიც აქამდეც ღიად აფიქსირებდნენ თანხმობას.