ლეიბორისტული პარტიის ლიდერმა, შალვა ნათელაშვილმა სამგორის რაიონში მაჟორიტარობის კანდიდატის, ლევან ხაბეიშვილის წარდგენისას ის დაახასიათა, როგორც "ნეპოტიზმის, კორუფციის წინააღმდეგ მებრძოლი რაინდი". ოპოზიციამ ლეიბორისტების ოფისში დღეს, 19 ივნისს მაჟორიტარობის 6 კანდიდატი დაასახელა.

"როდესაც ბატონ ლევან ხაბეიშვილს ვუყურებ, მომავლის იმედი მეძლევა. ისეთი მებრძოლი კაცია, მგონია 301-ე არაგველი. ვფიქრობ, მისი მხარდაჭერა ყველა ჩვენგანის სამოქალაქო პასუხისმგებლობა და ვალია სამგორის რაიონში", — თქვა ნათელაშვილმა.

თბილისის მაჟორიტარობის 2 კანდიდატის ვინაობა ამ ეტაპზე უცნობია. პოლიტიკოსები აცხადებენ, რომ კონსულტაციები გრძელდება. რაც შეეხება 6 ოლქს, კანდიდატები ასე გადანაწილდა:

  • ნაძალადევი — შალვა ნათელაშვილი;
  • მთაწმინდა-კრწანისი — შალვა შავგულიძე;
  • ვაკე — ელენე ხოშტარია;
  • ისანი — გიორგი ვაშაძე;
  • სამგორი — ლევან ხაბეიშვილი;
  • გლდანი — ნიკა მელია.