ევროპის სახალხო პარტიის პრეზიდენტი და ევროპული საბჭოს ყოფილი პრეზიდენტი, დონალდ ტუსკი აცხადებს, რომ ისინი მოუწოდებენ ხელისუფლებას გაათავისუფლონ გიორგი რურუა და 8 მარტის შეთანხმება სრულად შეასრულონ. ამის შესახებ მან ტვიტერზე დაწერა.

"ევროპის სახალხო პარტია მიესალმება საქართველოს ხელისუფლებასა და ოპოზიციას შორის მიღწეულ რვა მარტის შეთანხმებას, როგორც პოლარიზაციის შემცირების შესაძლებლობას. ჩვენ კვლავ შეშფოთებულები ვართ იმით, რომ გიორგი რურუა ციხეში იმყოფება. ხელისუფლებას რვა მარტის შეთანხმების სრული შესრულებისკენ და რურუას გათავისუფლებისკენ მოვუწოდებთ", — წერს ტუსკი.