ზუგდიდში კორონავირუსის ახალი შემთხვევა დადასტურდა. როგორც ზუგდიდი საზოგადოებრივი ჯანდაცვის ცენტრის ხელმძღვანელმა, ნანა ოდიშარიამ On.ge-ს უთხრა, ინფიცირებული კაცი რუსეთიდან 12 ივნისს შემოვიდა.

მისი თქმით, ორ დღეში კაცი კარანტინიდან ოჯახის წევრის გარდაცვალების გამო გათავისუფლდა. ოდიშარიას თქმით, მისი PCR ტესტი უარყოფითი იყო და ხელწერილის საფუძველზე სამი დღით გაათავისუფლეს.

"შემდეგ გეგმიურად გადავტესტეთ, აღმოჩნდა სუსტად დადებითი შემთხვევა სწრაფი მარტივი ტესტით, გადავიყვანეთ სტაციონარში და დღეს დადასტურდა PCR ტესტზე", — აღნიშნა ნანა ოდიშარიამ.

ნანა ოდიშარიას თქმით, ამ ეტაპისთვის პაციენტის შვიდი კონტაქტი კარანტინშია გადაყვანილი, ხოლო 15 თვითიზოლაციაში.

StopCov-ის ვებგვერდზე ინფიცირებულების რაოდენობის შესახებ ინფორმაცია ჯერ განახლებული არაა და დილის მონაცემები — 888 შემთხვევაა მითითებული.