პარტია სამართლიანობისთვის ლიდერი, ეკა ბესელია ბესელია ამბობს, რომ თუ მისი პარტია 2020 წლის არჩევნებით პარლამენტში ვერ მოხვდება, მაშინ ის პოლიტიკიდან საერთოდ წავა. მისი თქმით, ის ამ პარტიით აპირებს ქვეყანაში სამართლიანი სასამართლოსთვის ბრძოლას და თუ ამას ვერ შეძლებს, მაშინ პოლიტიკაში მის ადგილს ვერ ხედავს.

"თუ ჩემი ახალი პარტია ამ არჩევნების შედეგად პარლამენტში ვერ შევა, მე საერთოდ პოლიტიკიდან წავალ. მე ამ პარტიით მინდა ამ ქვეყანაში ბრძოლა სამართლიანი სასამართლოსთვის, თანამოაზრეებთან ერთად, რომლებიც მხოლოდ პარტიაში არ არიან. თუ ეს მიზანი ვერ მივიყვანე ბოლომდე, მე ვერ ვხედავ ჩემს ადგილს პოლიტიკაში. შეიძლება, სხვა ფრონტიდან დავეხმარო. არ მინდოდა ჯერ ამის თქმა. ზუსტად ვიცი, რისთვის ვიბრძვი, ზუსტად ვიცი, როგორ მივიდე და რა არის საჭირო ამისთვის. ამისთვის ბევრი ადამიანია საჭირო და მარტო ეკა ბესელია ამას არ ყოფნის. ბევრი ადამიანი მეიმედება", — განაცხადა ბესელიამ სოფო ზურაბიანის პოლიტიკის ფორმულაში.