ამაზე თვალის დახუჭვა არ იქნება კარგი — კაკულია თანამდებობის ბოროტად გამოყენებაზე
![რომან კაკულია, საქართველოს პარლამენტის დარგობრივი ეკონომიკისა და ეკონომიკური პოლიტიკის კომიტეტის თავმჯდომარე](http://phoebe.on.ge/2018/07/25/asdasdasddfggh.jpg)
ფოტო: საქართველოს პარლამენტი
დარგობრივი ეკონომიკის კომიტეტის თავმჯდომარე, რომან კაკულია ამბობს, მოხელეების მხრიდან თანამდებობის ბოროტად გამოყენებაზე თვალის დახუჭვა სწორი არ იქნება. ეს კომენტარი მან მთავარ არხთან საერთაშორისო გამჭვირვალობა — საქართველოს კვლევასთან დაკავშირებით გააკეთა. მონაცემების თანახმად, გამოკითხულთა 63% ფიქრობს, რომ მოხელეების მიერ თანამდებობის ბოროტად გამოყენება გავრცელებული ან ძალიან გავრცელებულია.
"მმართველობის ეფექტიანობის გაზრდა რჩება ერთ-ერთ გამოწვევად და მიუხედავად იმისა, რომ ძალიან ბევრი რაღაც გაკეთდა, კვლავ რადგან არის ასეთი ტიპის გამოხმაურებები არატენდენციური შემფასებლებისგანაც მსმენია ასეთი რამ და ამაზე თვალის დახუჭვა, რა თქმა უნდა, არ იქნება კარგი. მმართველობის სრულყოფა მუდმივი პროცესია", — თქვა რომან კაკულიამ.
დეპუტატის აზრით, ქართულმა ოცნებამ წინასაარჩევნო კამპანიის დროს აქცენტი სწორედ ამ საკითხზე უნდა გააკეთოს. მისი თქმით, 8 წლიანი მმართველობის ხარვეზების გარეშე გავლა შეუძლებელია.
საერთაშორისო გამჭვირვალობა — საქართველოს საზოგადოებრივი კვლევის თანახმად, ძალაუფლების ბოროტად გამოყენების მიზანი ოჯახის წევრების, ნათესავების და ახლობლების დასაქმება (92 პროცენტი), საკუთარი ან ახლობლების ბიზნესის მფარველობა (90 პროცენტი), ბიუჯეტის თანხების არამიზნობრივი ხარჯვა (81 პროცენტი) და სხვადასხვა საქმის მოგვარების სანაცვლოდ ქრთამის აღებაა (60 პროცენტი).
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
კომენტარები