კოლუმბიის ქალაქ მედელინის მახლობლად ჩამოვარდნილი თვითმფრინავიდან, რომელსაც 81 ადამიანი გადაჰყავდა, 5 ადამიანი ცოცხალი ამოიყვანეს.

ინდეფენდენტის ცნობით, ნაპოვნია 25 გვამი.

თვითმფრინავში მყოფი 81 ადამიანიდან, 9 ეკიპაჟის წევრი იყო. ბორტზე, ბრაზილიის საფეხბურთო გუნდის, შაპოკოენსის ფეხბურთელებიც იმყოფებოდნენ.

განახლება

კოლუმბიის პოლიციამ განაცხადა, რომ ბორტზე მყოფი 76 ადამიანი დაღუპულია. მათგან ერთ-ერთი საავადმყოფოში გადაყვანის შემდეგ გარდაიცვალა.

პოლიციის ცნობით, თავდაპირველად 6 ადამიანი გადაარჩინეს, მათგან 3 ფეხბურთელი, 2 ეკიპაჟის წევრი და 1 ჟურნალისტი. ჯერჯერობით უცნობია, რომელი მათგანი გარდაიცვალა საავადმყოფოში გადაყვანის შემდეგ.