თბილისის ინფექციური საავადმყოფოს კლინიკური დირექტორის, მარინა ეზუგბაიას თქმით, კორონავირუსით 3 ახალი ინფიცირებულიდან 1 სატვირთო მანქანის მძღოლია და 2 უკვე არსებული შემთხვევების კონტაქტია.

მისივე ინფორმაციით, სატვირთოს მძღოლი კარანტინში იყო და კორონავირუსი იქ დაუდასტურდა.

ეზუგბაიას თქმით, მათ ცენტრიდან 2 გამოჯანმრთელებული პაციენტი გაეწერა, ახალი დადასტურებული შემთხვევა კი მათთან არ შეუყვანიათ.

" ამ ეტაპზე 32 დადასტურებული შემთხვევა მკურნალობს ჩვენთან. იმ 3 მძიმე ავადმყოფის დინამიკა არის გაუმჯობესებული, შეიძლება თქვას, რომ სამიდან ერთის მდგომარეობა ჯერ კიდევ საყურადღებოა, დანარჩენი ორის მდგომარეობა დინამიურად გაუმჯობესებულია, სუბიექტური გამოკვლევებით, რადიოლოგიური მონაცემებითაც და კლინიკური გაფართოებული კვლევებითაც, რაც პროგნოზის კეთილსაიმედოობაზე ლაპარაკობს" — განაცხა ეზუგბაიამ.

ბოლო მონაცემებით, საქართველოში კორონავირუსით ინფიცირებულთა რიცხვი 3 შემთხვევით, 738-მდე გაიზარდა. ასევე, 16 ადამიანით გაიზარდა გამოჯანმრთელებულთა რაოდენობაც და საერთო რიცხვმა 573-ს მიაღწია.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: