შინაგან საქმეთა მინისტრის მოვალეობის შემსრულებელმა, გიორგი მღებრიშვილმა დღეს, 24 ნოემბერს საკომიტეტო მოსმენებისას ნაციონალური მოძრაობის წევრის, გიგა ბოკერიას მიერ დასმულ შეკითხვას უპასუხა და განაცხადა, რომ საქართველოში კრიმინალი გაზრდილი არ არის, რასაც მისივე თქმით შსს-ს სტატისტიკაც ადასტურებს:

"მე შემიძლია ციფრებით გითხრათ, რომ კრიმინალი გაზრდილი არ არის ქვეყანაში, ზეპირად საუბარი ბოდიშს გიხდით, მაგრამ ჭორაობას ჰგავს. მე თავის მართლებას არ ვაპირებ, თქვენ მეტყვით რა ნაწილშია კრიმინალი გაზრდილი და ა.შ. რაც შეეხება სტატისტიკას, იგი კვარტალში ერთხელ მიეწოდება საქსტატს და თქვენ შეგიძლიათ გამოითხოვოთ იგი".