ერთ წელზე დიდხნიანი ლოდინის შემდეგ The Umbrella Academy ახალი სეზონით ბრუნდება.

ჯერარდ უეის ამავე სახელწოდების ცნობილი კომიქსის მიხედვით გადაღებული სერიალის მეორე სეზონი 31 ივლისს გამოვა. ამ განსაკუთრებული თარიღის დასაანონსებლად კი მსახიობებმა იზოლაციაში სპეციალური ვიდეო ჩაწერეს, რომელიც რამდენიმე საათის წინ გაავრცელა ნეტფლიქსმა:

ერთგულ მაყურებლებს კარგად ემახსოვრებათ პირველი სეზონიდან ერთ-ერი ყველაზე საყვარელი სცენა, როცა ლუთერი, ალისონი, დიეგო, კლაუსი და ვანია სიმღერაზე I Think We’re Alone Now თავ-თავიანთ ოთახებში ცეკვავენ.

მსახიობებმა სწორედ ეს სცენა გააცოცხლეს.

ფოტო: Netflix

ცნობილია, რომ მეორე სეზონის პირველი ეპიზოდის სახელწოდება Right Back Where We Started-ია (დაბრუნება იქ, საიდანაც დავიწყეთ) და ასევე სამსახიობო გუნდს რამდენიმე ახალი სახე დაემატა: რიტუ არია, იუსუფ გეითვუდი და მარინ აირლენდი.

View this post on Instagram

we’ve seen the future

A post shared by The Umbrella Academy (@umbrellaacad) on

შესაბამისად, ერთგულ ფანებს ისღა დარჩენიათ, საყვარელი გმირების ახალი თავგადასავლების ეკრანზე კვლავ სანახავად შემდეგი ორი თვიც გაუძლონ.

ფოტო: Netflix / YouTube