შინაგან საქმეთა სამინისტროს განცხადებით, ბათუმში, საკარანტინე ზონაში მყოფი პირი ნარკოტიკული საშუალების უკანონო შეძენა-შენახვის ბრალდებით დააკავეს. უწყების განცხადებით, ჩხრეკისას მათ სასტუმროს ნომერში მეტადონის 10 აბი და 5 აბის ნატეხები ამოიღეს.

საქმეზე გამოძიება საქართველოს სისხლის სამართლის კოდექსის 260-ე მუხლის მე-3 ნაწილის "ა" ქვეპუნქტით მიმდინარეობს. ამ მუხლით ჩადენილი დანაშაულისთვის 5-დან 8 წლამდე ვადით თავისუფლების აღკვეთას ითვალისწინებს.