ევროპული საქართველოს ერთ-ერთი ლიდერის, გიგა ბოკერიას განცხადებით, პარტია მიესალმება პრეზიდენტის გადაწყვეტილებას გიგი უგულავასა და ირაკლი ოქრუაშვილის შეწყალებასთან დაკავშირებით. ამავე დროს, ის აცხადებს, რომ 8 მარტის შეთანხმების ამ ნაწილში დარჩა ერთი ნაბიჯი — გიორგი რურუას გათავისუფლება.

"ერთი ნაბიჯი დარჩა ამ ნაწილში შეთანხმების, გიორგი რურუას გათავისუფლება ნებისმიერი ფორმით. შემდეგ საკონსტიტუციო ცვლილებები, რომელშიც რურუას გათავისუფლების შემდეგ მივიღებთ მონაწილეობას", — აღნიშნა ბოკერიამ TV პირველის ეთერში.

გიგა ბოკერიას თქმით, უგულავასა და ოქრუაშვილის შეწყალება რთული პერიოდის დასრულებისკენ გადადგმული დიდი ნაბიჯია.

საქართველოს პრეზიდენტმა, სალომე ზურაბიშვილმა დღეს, 15 მაისს, გიგი უგულავა და ირაკლი ოქრუაშვილი შეიწყალა.