დაავადებათა კონტროლის ცენტრის ცხელი ხაზი 116 001
ჯანდაცვის სამინისტროს ცხელი ხაზი 15 05
მთავრობის ცხელი ხაზი 144

ინფექციური საავადმყოფოს კლინიკური დირექტორის, მარინა ეზუგბაიას თქმით, საგანგებო მდგომარეობის გამო ქვეყანაში დაწესებული შეზღუდვების ეტაპობრივი შემსუბუქება მოქალაქეებისთვის თავისუფალი ქცევის მიზეზი არ უნდა გახდეს. ამ თემაზე მან ჟურნალისტებთან ისაუბრა და ყველას მოუწოდა რეკომენდაციების დაცვა გააგრძელონ.

"რეგულაციების შესუსტება, შენელება, შემცირება, თანდათანობით მოხსნა არ ნიშნავს ჩვენი ქვეყნის მოქალაქეების თავისუფალ ქცევას. [...] მეტნაკლებად ქართველებმა, მიუხედავად თავისი განსხვავებული ხასიათისა ძალიან კარგად გადალახეს ეს პერიოდი და შეზღუდვებს დაემორჩილნენ, აქედან გამომდინარე შედეგებიც ვნახეთ, რომ კარგი გვაქვს", — თქვა მარინა ეზუგბაიამ.

ექიმმა აღნიშნა, რომ აუცილებელი არაა ადამიანს ვინმე ზღუდავდეს, მოსახლეობამ თავისით უნდა გააგრძელოს თვითშეზღუდვა, რაც ქვეყანას სჭირდება.

ბოლო მონაცემებით, საქართველოში ინფიცირებულთა რაოდენობა მხოლოდ 1-ით გაიზარდა, გამოჯანმრთელებულთა რიცვხი კი 32-ით. ქვეყანაში კორონავირუსით ინფიცირების 639 შემთხვევაა დაფიქსირებული, მათგან გამოჯანმრთელებულია 349 ხოლო გარდაცვლილია 11. კარანტინის რეჟიმშია 4 769 პირია, სტაციონარში მეთვალყურეობის ქვეშ კი 414 პირი.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: