იაპონიაში რამდენიმე საათის წინ, გამთენიისას, ადგილობრივი დროით დილი 6 საათზე მომხდარი მიწისძვრის შემდეგ, კუნძულ ჰონსიუს აღმოსავლეთ სანაპიროებთან მცირე ზომის ცუნამი დაფიქსირდა, ზოგან ტალღების მაქსიმალური სიმაღლე 90 სანტიმეტრი იყო.

მიწისძვრის ეპიცენტრი ფუკუშიმას პრეფექტურის სანაპიროდან 37 კილომეტრის მოშორებით, წყნარ ოკეანეში იყო. თავიდან ითქვა, რომ სიმძლავრე 7,3 მაგნტიუდა იყო, შემდეგ მონაცემები დაზუსტდა და დადგინდა, რომ მისი სიმძლავრე 6,9 მაგნიტუდას შეადგენდა.

იაპონიის მთავრობა მიწისძვრიდან რამდენიმე საათის განმავლობაში აფრთხილებდა მოსახლეობას ცუნამის შესახებ და ევაკუაციისკენ მოუწოდებდა.

არსებული მონაცემებით, მიწისძვრას ნგრევა და მსხვერპლი არ მოჰყოლია, მსუბუქად დაშავდა 3 ადამიანი. არ დაზიანებულა ფუკუშიმას ატომური ელექტროსადგური.

2011 წელს მომხდარი 9 მაგნიტუდის სიმძლავრის მიწისძვრამ და შემდეგ განვითარებულმა ცუნამიმ, 20 ათასზე მეტი ადამიანი იმსხვერპლა, დაინგრა არაერთი ქალაქი, ფუკუშიმას ატომური ელექტროსადგური კი მწყობრიდან გამოვიდა,