საქართველოს მთავრობამ ტურიზმის ანტიკრიზისული გეგმა წარადგინა, რომელიც ამ სფეროში დასაქმებული კომპანიებისთვის სესხის პროცენტის სუბსიდირებას, საშემოსავლო გადასახადის გადავადების გახანგრძლივებას და სხვა სახის დახმარებებს ითვალისწინებს.

კერძოდ:

პრემიერ-მინისტრის, გიორგი გახარიას განმარტებით, ვერავის დაპირდებიან საშემოსავლოს სრულ ჩამოწერას, თუმცა გადავადების და შემდგომი ეტაბორივი გადახდის შესახებ საუბარი შესაძლებელია.

"ეს გამოუნთავისუფლებს კომპანიებს საბრუნავ საშუალებებს იმისთვის, რომ შეინარჩუნონ დასაქმებულები და გადაიხადონ ხელფასები, მიმდინარე ხარჯები და მოემზადონ ამოქმედებისთვის", — განაცხადა ეკონომიკის მინისტრმა, ნათია თურნავამ.

რაც შეეხება სესხის პროცენტის სუბსიდირებას, პრემიერ-მინისტრის განმარტებით, 20 მილიონ ლარამდე ბრუნვის მქონე სასტუმროების, 5 მილიონის ოდენობის სესხის პროცენტის 80 პროცენტს დაუსუბსიდირებენ. პროგრამა 6 თვე გაგრძელდება.

"ეს არის უდიდესი უმრავლესობა, 95%-ზე მეტი სასტუმრო ინდუსტრიის ობიექტი. ჩვენ აქ მოვახდენთ მათი საბანკო სესხის პროცენტის 80 პროცენტის სუბსიდირებას სესხის პირველ 5 მილიონ ლარზე და ეს პროგრამა გაგრძელდება 6 თვე", — განმარტა ეკონომიკის მინისტრმა, ნათია თურნავამ.

ეკონომიკის მინისტრის განცხადებით, ტურისტული კომპანიები, ჩართული იყვნენ გლობალური დაჯავშნის სისტემაში, რომლის ხელშეკრულებაც ითვალისწინებს საბანკო გარანტიების წარდგენას და მისი პროცენტები ამ ეტაპზე ტვირთია. მისი თქმით, ამ კომპანიებს, იმავე პრინციპით, როგორც სასტუმროებს პროცენტს დაუსუბსიდირებენ.

ანტიკრიზისული გეგმის მიხედვით, საკრედიტო საგარანტიო სქემაში ჩაერთვებიან კვების ობიექტებიც.

"რაც გულისხმობს, რომ სახელმწიფო 30 პროცენტში თანაუზრუნველყოფაში დაუდგება ამ ობიექტებს გვერდში საბანკო არსებული სესხების რესტრუქტურიზაციის დროს. ხოლო ახალი სესხების მოზიდვის დროს 90 პროცენტიან თანაუზრუნველყოფას ჩვენს თავზე ავიღებთ", — განაცხადა თურნავამ.

მთავრობის განცხადებით, დაასუბსიდირებენ ტურისტულ გამოფენებში მონაწილეობასაც, რადგან ეს სულ მალე გახდება აქტუალური და დაეხმარება ამ სფეროში დასაქმებულებს, რომ საქართველოს ახალი ტურისტული იმიჯი გაიტანონ მსოფლიო ბაზარზე. გარდა ამისა, ჯანდაცვის სამინისტროსთან ერთად, ისინი აპირებენ დაეხმარონ ამ სექტორშში მოქმედ კომპანიებს მსოფლიო ტურისტული ორგანიზაციის უსაფრხოების სტანდარტების დანერგვაში. თუმცა, არ დაუკონკრეტებიათ, როგორ აპირებენ ამას.

ეკონომიკის მინისტრის თქმით, დაიწყება გიდების იდენტიფიკაცია და რეგისტრაცია რის შემდეგაც, დაიწყება ხარისხის უფრო მაღალი სტანდარტების დანერგვა. მისივე თქმით, დაიწყებენ დასაქმების პროგრამას, შესთავაზებენ გიდებს ალტერნატიულ სამუშაო ადგილებს, სანამ ტურისტული ინდუსტრია ძველ ნიშნულს დაუბრუნდება.

"მათი უფრო ჩართვა ჩვენს არსებულ მცირე ბიზნესის პროგრამებში, მიკროგრანტებში, სხვადასხსვა სპეციფიციური მიმართულებით ხელშეწყობა, სერტიფიცირება და ხარისხი, გადამზადება და ასევე, მნიშნელოვანი არის, რომ ჩვენ მათ მივცემთ შესაძლებლობას იქონიონ უფასი ვიზიტები მუზეზუმებში, დაცულ ტერიტორიებზე და მსგავს ობიექტებში, რომელბიც ყველაზე სწრაფად ამოქმედდება", — განაცხადა მან.

მთავრობის თქმით, ანტიკრიზისული გეგმის ამ ნაწილის ბიუჯეტი 200 მილიონ ლარს შეადგენს.

ფოტო: კადრი ვიდეოდან / რადიო თავისუფლება

პრემიერის განცხადებით, ქვეყანაში 15 ივნისიდან ამოქმედდება შიდა ტურიზმი, პირველი ივლისიდან კი მზად იქნებიან უცხოელი ტურისტების მისაღებად.