პრემიერმინისტრის, გიორგი გახარიას თქმით, დღეს მთავრობის ნომერი პირველი პრიორიტეტი ეკონომიკური აღორძინება, ეკონომიკის გახსნა და პოსტკრიზისული მართვა ხდება. ამის შესახებ მან დღეს, 4 მაისს გამართულ ბრიფინგზე განაცხადა.

მისივე განმარტებით, ეს შესაძლებელი იქნება მხოლოდ და მხოლოდ იმ შემთხვევაში, თუ ჯანდაცვის სამინისტრო ეპიდემიის მენეჯმენტს ეფექტურად მართავს.

"ამავდროულად, თითოეულ ჩვენს მოქალაქეს უნდა ესმოდეს, რომ ისეთი ახალი მოვლენები, არცთუ სასიამოვნო მოვლენები, როგორიც არის პირბადე, სოციალური დისტანცია, ჩვენი ცხოვრების ნაწილი ხდება. ამას ხაზგასმით ვიმეორებ იმიტომ, რომ ეს არის ერთადერთი გზა და საშუალება იმისთვის, რომ ჩვენ ეკონომიკურ კონკურენციას გავუძლოთ და ვიყოთ ეფექტურები ეკონომიკური აღდგენის ნაწილში", — განაცხადა გახარიამ.

გიორგი გახარიამ დღევანდელ ბრიფინგზე აღნიშნა, რომ მთავრობა ქვეყანაში ეპიდემიოლოგიური მდგომარეობის მიხედვით, გარკვეულ შეზღუდვებს უფრო ადრე შეამსუბუქებს.

გაიგეთ მეტი: