პრემიერმინისტრის, გიორგი გახარიას განცხადებით, უახლოეს დღეებში, სავარაუდოდ, კვირის ბოლოს, თბილისი და რუსთავი გაიხსნება. მისი განმარტებით, ეს დამოკიდებულია ეპიდემიოლოგიურ სიტუაციაზე.

გახარიამ ასევე აღნიშნა, რომ ხვალ, 5 მაისიდან გაიხსნება ბათუმი და ქუთაისი. მისი თქმით, ამ ქალაქებში მოიხსნება ყველა სახის შეზღუდვა გადაადგილებაზე. პრემიერს არ დაუკონკრეტებია გულისხმობს თუ არა ეს საზოგადოებრივ ტრანსპორტზე შეზღუდვების მოხსნას.

გახარიამ, ასევე, აღნიშნა, რომ პრიორიტეტია ეკონომიკის გახსნა. შეგახსენებთ, რომ აქართველოს მთავრობამ კორონავირუსთან საბრძოლველი ანტიკრიზისული გეგმა 24 აპრილს წარადგინა, რომელიც ეკონომიკის ეტაპობრივად გახსნას ითვალისწინებს.

გაიგეთ მეტი: ანტიკრიზისული გეგმა სრულად