გერმანიამ საქართველოს რამდენიმე ათასი PCR ტესტი აჩუქა. დაავადებათა კონტროლის ცენტრის ხელმძღვანელი, ამირან გამყრელიძე ამბობს, რომ გერმანულმა მხარემ მათ პრაიმერები და ე.წ. სერიოლოგიური ტესტისტემები გადასცა.

"ეს გახლავთ სწრაფი ტესტების უფრო ზუსტი ანალოგი, რომელიც ლაბორატორიულ პირობებში იქმნება და არა ვთქვათ, საველე პირობებში. ამ ტესტსისტემებს შესაბამისი დანიშნულებისამებრ გამოვიყენებთ", — აღნიშნა ამირან გამყრელიძემ.

მისივე თქმით, კორონავირუსის დამარცხების კუთხით ეს საქართველოსა და გერმანიის პირველი თანამშრომლობა არაა.

ფოტო: გვანცა ნემსაძე / On.ge

ფოტო: გვანცა ნემსაძე / On.ge

ფოტო: გვანცა ნემსაძე / On.ge

ამირან გამყრელიძე აცხადებს, რომ ყოველდღიურად ათასზე მეტი ტესტირების გაკეთებას აპირებენ, მაისის ბოლოს კი სურთ, რომ დღეში ტესტირების რაოდენობამ სამი ათასს გადააჭარბოს. პირველ მაისს 1 186 ტესტი გააკეთეს.