დაავადებათა კონტროლის ცენტრის ცხელი ხაზი 116 001
ჯანდაცვის სამინისტროს ცხელი ხაზი 15 05
მთავრობის ცხელი ხაზი 144

დაავადებათა კონტროლის ცენტრის ხელმძღვანელის, ამირან გამყრელიძის თქმით, კორონავირუსით გარდაცვლილი მეშვიდე ადამიანი მაღალი რისკის პაციენტი იყო.

მისივე ინფორმაციით, გარდაცვლილს კორონავირუსთან ერთად, თანმხლები დაავადებებიც ჰქონდა.

"აქ იყო დადასტურებული შემთხვევა კოვიდინფექციის, მაგრამ ამავე დროს იყო საკმაოდ დიდი ჩამონათვალი თანმხლები დაავადებების. ავადმყოფი მძიმე კრიტიკული იყო. ის მკურნალობდა თბილისის ერთ-ერთ კლინიკაში, სადაც მიმდინარეობდა მისი ინტენსიური თერაპია და რეანიმაციული მხარდაჭერა. სამწუხაროდ, მიღებულმა ზომებმა შედეგი არ გამოიღო. ასევე იყო თანმხლები გულსისხლძარღვთა სისტემის მრავალი პათოლოგია, იყო ჰიპერტონული დაავადება, იყო გულის უკმარისობა, იყო სარქვლოვანი უკმარისობა და კიდევ მრავალი სხვა", — განაცხადა გამყრელიძემ იმედის ეთერში.

საქართველოში კორონავირუსით მეშვიდე ადამიანი, დღეს, პირველ მაისს გარდაიცვალა. იგი 83 წლის იყო და პირველ საუნივერსიტეტო კლინიკაში მკურნალობდა.

ამ დროისთვის საქართველოში კორონავირუსის დადასტურებული 566 შემთხვევაა. მათ შორის გამოჯანმრთელებული 207, ხოლო გარდაცვლილია 7 ადამიანი. კარანტინის რეჟიმში იმყოფება 5320 მოქალაქე, სტაციონარში მეთვალყურეობის ქვეშ — 548.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: