აუტიზმის სპექტრის აშლილობის მქონე 6 წლის ბავშვს მასწავლებელმა მადლიერების დღისადმი მიძღვნილ სპექტაკლში მონაწილეობის უფლება არ მისცა.

იმ მომენტში, როდესაც ბავშვს თანატოლების მსგავსად საკუთარი სიტყვა უნდა წარმოეთქვა, მასწავლებელმა მას მიკროფონი ააცალა.

აუდიტორია ამ ფაქტმა გაამხიარულა, მაგრამ ვიდეოს მთავარ გმირს, როგორც ჩანაწერში იხილავთ, სულაც არ გასცინებია. ო, არა - მხოლოდ ამ ფრაზის თქმა მოასწრო და ცრემლები წასკდა.

ამ საშინელ ისტორიაზე კელების მამამ, კენტ სქუირესმა ფეისბუქზე დაწერა. მისი თქმით, მისი შვილი დიდხანს ემზადებოდა სპექტაკლისთვის, ძალიან მონდომებული და გახარებული იყო, თუმცა მასწავლებელმა საშუალება არ მისცა, აუდიტორიის წინაშე გამოსულიყო.

"ვფიქრობ, რა შეიძლება გავაკეთო ამ ყველაფრის დასასრულებლად. ჩემი შვილი პატარაა, მაგრამ დიდი გული აქვს და ძალიან ბედნიერი იყო, სანამ ასე მოექცეოდნენ", - წერს კენტ სქუირესი.

ბავშვის დედამ, ამანდა რიდლიმ კი აუტისტური სპექტრის მქონე ბავშვების მშობლებს გაერთიანებისკენ მოუწოდა ჰეშთეგით - ‪#‎TEAMGOBBLEGOBBLE‬. Gobblegobble პატარა კელების რეპლიკა უნდა ყოფილიყო სპექტაკლში, სადაც მას ინდაურის როლი უნდა შეესრულებინა.

ისტორიას უამრავი მშობელი და მასწავლებელი გამოეხმაურა. ისინი მასწავლებლის წინააღმდეგ სარჩელის შეტანას აპირებენ.