ჯანდაცვის მინისტრის, ეკატერინე ტიკარაძის განცხადებით, ექიმების ინფიცირების შემთხვევების უმრავლესობა სამუშაო ადგილზე არ მომხდარა. ამის შესახებ მან სპეციალურ ბრიფინგზე განაცხადა.

დღეს, 28 აპრილს ცნობილი გახდა, რომ ბოლნისში კორონავირუსი სასწრაფო სამედიცინო დახმარების კიდევ 5 თანამშრომელს დაუდასტურდა.

ეკატერინე ტიკარაძის განცხადებით, ექიმებს პირადი დაცვის საშუალებების სწორად გამოყენების ტრენინგები უტარდებათ და ზომებს კიდევ უფრო გაამკაცრებენ. ამასთან, მინისტრი ამბობს, რომ ექიმების დეფიციტი არ არის

"გამომდინარე იქიდან, რომ გაგვაჩნია რესურსი სტრატეგიულად დავგეგმოთ ექიმების გადანაწილება და შესაბამისად ეს დეფიციტი იმ რეგიონებში, სადაც ექიმები დაინფიცირდნენ, არ შეიქმნება".

ბოლო მონაცემებით, საქართველოში კორონავირუსით ინფიცირების 511 შემთხვევაა დადასტურებული. მათ შორის გამოჯანმრთელებულია 156 ადამიანი და გარდაცვლილია 6.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: