ყველასათვის ცნობილია, რომ ინტერნეტ-მომხმარებლები ერთ-ერთი ყველაზე დაუზარელი ხალხია და ნებისმიერი პრობლემის გადაჭრაში დაგეხმარებიან. მათ ყველაფერზე აქვთ საკუთარი მოსაზრება და უნაკალური მიდგომები.

ეს კიდევ ერთხელ დადასტურდა რამდენიმე დღის წინ, როდესაც ფეისბუქზე ეს ფოტო გამოჩნდა, წარწერით: "კარადა, რომელსაც ვერასოდეს გააღებ".

ფოტო: 爆料公社 / Facebook

ცხადია, მომხმარებლებმა ეს გამოწვევა ძალიან სერიოზულად მიიღეს და პრობლემის გადაჭრის უნიკალური ვარიანტები მოიფიქრეს. აი, საუკეთესო საუკეთესოთა შორის:

  1. ეკონომიკის ამბავია: თუ იაფფასიანი თეფშებია, მაშინ გამოაღე კარი. ხოლო თუ ძვირიანი თეფშებია — კარის მარჯვენა შუშა ჩაამსხვრიე.

  2. გვერდით აიშენე ზუსტად იდენტური სახლი, ოღონდ ისე, რომ ეს თეფშები თაროზე ელაგოს. შემდეგ, ეს ძველი სახლი წაშალე.

  3. წყლით დატბორე სახლი და უშიშრად გამოაღე კარადა!

  4. გახსენი ღვინის ბოთლი > დალიე > დაელოდე, როდის დაბრუნდება სახლში ქმარი. დაიწყე ჩხუბი უმიზეზოდ, რაზეც გინდა > გადი სამზარეულოში, გამოაღე კარი და აცადე თეფშებს დამსხვრევა > ყველაფერი დააბრალე ქმარს — ის ბოდიშს მოგიხდის და ახალ თეფშებს გიყიდის.

  5. კარადა უკან გადააყირავე და ისე გახსენი.

  6. გამორთვა და თავიდან ჩართვა სინჯე.

  7. თავი მოიკალი და იმ ჩექპოინტზე და-respawn-დი, როცა თეფშები უსაფრთხოდ ელაგა.

  8. მუზეუმს მიყიდე და დაარქვი "სერიიდან: დროში გაყინული".

  9. შრედინგერის კარადა დაარქვი, რადგან ამ მომენტში, თეფშები დამტვრეულიცაა და ხელუხლებელიც.

  10. Ctrl+Z სინჯე.

  11. ქვევიდან ჩაფუშული ბუშტი შეაცურე და ნელ-ნელა დაიწყე გაბერვა, სანამ თეფშებს არ დაიჭერს.

  12. თეორეტიკოსის გამოსავალი: განსაზღვრე თეფშები, როგორც უმსხვრევი. მშვიდად გამოაღე კარი.

  13. პაზლის აწყობაში ჩემპიონის გამოსავალი: იყიდე კერამიკის წებო დიდი რაოდენობით, სწრაფად გააღე კარადა, გაერთე საათობით!

  14. წაიღე კარადა ღია კოსმოსში, გახსენი, დაბრუნდი.

  15. კედელი გამოამტვრიე კარადის უკან.

  16. პოლიტიკური გამოსავალი: გამოაცხადე ეს პრობლემა მომდევნო თაობების პრობლემად, აუხსენი ბავშვებს, რომ ასეთია ეს ცხოვრება.

ყველაზე პოპულარული კი მაინც ის რჩევებია, სადაც კარადის გაღებას და ვიდეოს გადაღებას სთხოვენ. ჩვენ მივადევნებთ თვალს ამ მნიშვნელოვან მოვლენას და სიახლეების შემთხვევაში, აუცილებლად შეგატყობინებთ.