ხვალიდან ზუგდიდის ბაზრის ნაწილი ფუნქციონირებას შეძლებს. ამის შესახებ სამეგრელო-ზემო სვანეთის სახელმწიფო რწმუნებულმა, ალექსანდრე მოწერელიამ განაცხადა.

მისი თქმით, ხვალიდან ზუგდიდის აგრარული ბაზრის ადმინისტრაციულ შენობაში მდებარე სასურსათო მაღაზიები, ხილ-ბოსტნის, რძის პროდუქტებისა და ხორცის სექცია იფუნქციონირებს.

"ზუგდიდის აგრარულ ბაზარში დაცული იქნება ჰიგიენურ-სანიტარული ნორმები, სურსათის ეროვნული სააგენტოს და ჯანდაცვის უწყების რეკომენდაციები, ტერიტორიაზე რიგებს მოხალისეები, სამართალდამცველები და ზედამხედველობის სამსახურის წარმოამდგენლები გააკონტროლებენ. ბაზარში შესასვლელად მოქალაქეებს აუცილებლად უნდა ჰქონდეთ პირბადე"— განაცხადა მოწერელიამ.

მისივე ინფორმაციით, ფუნქციონირება უკვე დაიწყო ფოთის ბაზარში მდებარე სასურსათო მაღაზიებმა, რომლებიც შესაბამის ნორმებს აკმაყოფილებენ.

ზუგდიდის აგრარული ბაზარი, დროებით 16 აპრილს დაიხურა, მიზეზი წინასადღესასწაულო პერიოდში მოქალაქეთა რიგების მოუწესრიგებლობა გახდა.