მთავრობის ადმინისტრაციის ხელმძღვანელი, ნათია მეზვრიშვილი ამბობს, რომ მთავრობის ანტიკრიზისული გეგმა ზოგიერთი სეგმენტის ერთჯერად, ზოგიერთის კი ცოტა უფრო გრძელვადიან დახმარებას ითვალისწინებს.

მისი თქმით, ანტიკრიზისული გეგმაში ძირითადი აქცენტი იმ ადამიანებზე იქნება, ვინც პანდემიის გამო ყველაზე მეტად დაზარალდნენ.

"რა თქმა უნდა, ყველა სეგმენტის მოცვა ფიზიკურად შეუძლებელია. არსებული რესურსებით რისი შესაძლებლობაც იყო, ის ადამიანები, რომლებიც ყველაზე მეტად დაზარალდნენ ამ პანდემიის პირობებში, ძირითადი აქცენტი იქნება გადატანილი ამ ადამიანებზე და გამოყოფილი იქნება ყველაზე კრიტიკულად მნიშვნელოვანი სოციალური ჯგუფები", — განაცხადა მეზვრიშვილმა საზოგადოებრივი მაუწყებლის ეთერში.

როგორც ცნობილია, მთავრობამ ანტიკრიზისულ გეგმას 24 აპრილს წარადგენს.