თბილისის მერისთვის და ქართული ოცნების გენერალურ მდივნისთვის, კახა კალაძისთვის გაუგებარია, რატომ უნდა "გაუტარონ" ბერას პოლიტიკურ ჭრილში პირადი ვიდეო, სადაც მმართველი პარტიის თავმჯდომარე მონაწილეობს.

"ზოგადად, რატომ განვიხილავთ ბერას პირად გვერდზე განთავსებულ ვიდეოს რაღაც პოლიტიკურ ჭრილში, ეს ცოტა გაუგებარია ჩემთვის. გასაგებია, რომ პარტიის თავმჯდომარეა ბიძინა ივანიშვილი, მაგრამ მისი ფოტოების, ვიდეოების გამოქვეყნების უფლება ოჯახის პოლიტიკურ ჭრილში რატომ უნდა გავუტაროთ, ზოგადად, არ მესმის და არ მგონია, ეს თემა სადისკუსიო იყოს", — ამის შესახებ მან შალვა რამიშვილის გადაცემაში განაცხადა.

პოლიტიკურმა პარტია ქართულმა ოცნებამ მისი ლიდერის, ბიძინა ივანიშვილის TikTok ვიდეოზე ვრცელი განმარტება გაავრცელა. ისინი ფიქრობენ, რომ "აბსოლუტურად უწყინარ გართობაზე" ოპონენტებმა "უკადრებელი იკადრეს" და "ღვარძლიანი" კრიტიკის ტალღა გაუშვეს. ასევე, ისინი ფიქრობენ, რომ განცხადებები "აბსურდული და სასაცილოა", თუმცა მათ მაინც პასუხობენ.

ბიძინა ივანიშვილის ვიდეო მისი შვილის, ბერას TikTok-ზე გუშინ, 21 აპრილს გამოქვეყნდა. საქართველოში კორონავირუსის დაფიქსირების დღიდან ივანიშვილი მედიასთან არ გამოჩენილა, ამიტომ საზოგადოების ნაწილმა და პოლიტიკოსებმა ის გააკრიტიკეს. TT

გაიგეთ მეტი პოლიტიკოსების შეფასებებზე:

ამავე თემაზე: