ჭიათურისა და საჩხერის მიტროპოლიტს, მეუფე დანიელს ჰგონია, რომ საყოველთაოდ დაწესებული ნორმა, დახურულ სივრცეში პირბადეების ტარებაზე, სასულიერო პირებისთვის გათვალისწინებული არაა. იგი ამას იმით ხსნის, რომ სასულიერო პირები "ღვთის წინაშე დგანან და უშუალო კავშირი აქვთ უფალთან". ვირუსის გავრცელების შესაკავებლად დაწესებულ შეზღუდვებზე მიტროპოლიტმა სამების ტაძარში, ჟურნალისტებთან ისაუბრა. სამებაში დღეს, 17 აპრილს, "წითელ პარასკევს" გარდამოხსნის რიტუალი იმართება.

საგანგებო მდგომარეობის ფარგლებში დაწესებული ახალი შეზღუდვებით, ქვეყნის მასშტაბით სასაფლაოები დაიკეტა. ახალი შეზღუდვებით, აკრძალულია ნებისმიერი მსუბუქი ავტომობილით გადაადგილება, მათ შორის ტაქსითაც. ასევე, სავალდებულო გახდა პირბადის ტარება.

ბოლო მონაცემებით, საქართველოში კორონავირუსის 370 დადასტურებული შემთხვევაა, მათგან გამოჯანმრთელებულია 77 ადამიანი, ხოლო გარდაცვლილია 3. კარანტინის რეჟიმში 5 079 პირი რჩება, სტაციონარში მეთვალყურეობის ქვეშ კი 558 პაციენტი.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: