ფსიქოლოგებმა საქართველოს მოსახლეობისთვის სხვადასხვა ტიპის უფასო ფსიქოლოგიური მომსახურების გაწევა დაიწყეს. ინიციატივას ისინი ღია საზოგადოების ფონდის მხარდაჭერით ახორციელებენ.

ამოქმედებულია კრიზისული ფსიქოლოგიური დახმარების ცხელი ხაზიც — 2 911 000.

"Covid-19 გავრცელებით შექმნილ კრიზისში ფსიქიკური მდგრადობის შენარჩუნება ფიზიკურ ჯანმრთელობაზე არანაკლებ მნიშვნელოვანია", — აცხადებენ ორგანიზაციაში. ინიციატივა 14 აპრილიდან ხორციელდება.

ფსიქოლოგები მოქალაქეებს დისტანციური მომსახურებას ტელეფონის და ვიდეოზარის მეშვეობით სთავაზობენ, რაც გულისხმობს ინდივიდუალურ კონსულტაციას ჩაღრმავებული და ხანგრძლივი მომსახურების საჭიროების შემთხვევაშიც.

ამ თემაზე ფონდის ფეისბუქ გვერდზე გამოქვეყნებულია ლაივ ჩართვაც:

კრიზისული ფსიქოლოგიური დახმარების ცხელი ხაზის მომსახურებას ასოციაცია ნდობა დაავადებათა კონტროლის ცენტრთან თანამშრომლობით უძღვება. დისტანციურ ფსიქოკონსულტაციას უზრუნველყოფს კლუბი სინერგია, ხოლო ფსიქო-საგანმანათლებლო მასალების მომზადებას კოგნიტურ-ბიჰევიორული თერაპიის საზოგადოება.