თავდაცვის მინისტრი, ირაკლი ღარიბაშვილი აცხადებს, რომ ნაციონალურმა მოძრაობამ ბიძინა ივანიშვილის "უპრეცედენტო ქველმოქმედება განქიქა" და პარტიის წარმომადგენელბს კლასტერს უწოდებს. ღარიბაშვილის თქმით, დღეს სახელმწიფო ორ ფრონტზე იბრძვის — უხილავ და ხილულ მტერთან. ამ თემაზე მინისტრმა ღია ეთერში ისაუბრა.

"მოგეხსენებათ, ჩვენი პარტიის თავმჯდომარე უპრეცედენტო ქველმოქმედებას ეწეოდა და ეწევა ბოლო 20-25 წლის განმავლობაში და მისი მხრიდან მორიგ უპრეცედენტო შემოწირულობას ჰქონდა ადგილი ასი მილიონის სახით. აქაც, ამ ადამიანებისგან, ნაცმოძრაობის მხრიდან, ასე ვთქვათ, მათი კლასტერიდან, ვიხილეთ ამორალური კრიტიკა და განქიქება ამ საქმის", — თქვა ირაკლი ღარიბაშვილმა.

თავდაცვის მინისტრის აზრით, ის რასაც ნაციონალური მოძრაობა კაეთებს სხვა არაფერია, თუ არა მტრობა და ბოროტება. ღარიბაშვილის თქმით, ოპოზიციის ამ მცდელობების მიუხედავად, მთავრობა ხალხთან ერთად აუცილებლად გაიმარჯვებს.

8 აპრილს StopCov ფონდში ბიძინა ივანიშვილის ოჯახმა 100 მილიონი ლარი გადარიცხა. 13 მარტს ფონდმა ქართუმ გაავრცელა განცხადება, რომ კორონავირუსის გავრცელებასთან ბრძოლაში მზადაა, საჭიროებისა და დანაკლისის შემთხვევაში სახელმწიფოს ფინანსურად დაეხმაროს. ფონდის განცხადება მმართველმა პარტიამ, ქართულმა ოცნებამ გაავრცელა:

"ქართუ ფონდი, თავის მხრივ, გამოთქვამს მზადყოფნას საჭიროების, ნებისმიერი შესაძლო ფინანსური თუ სხვა სახის დანაკლისის შემთხვევაში, საკუთარი სახსრებით შეავსოს ეს დანაკლისი და სახელმწიფოს გამოუყოს იმ მოცულობის ფინანსური რესურსი, რაც საჭირო იქნება ვირუსის გავრცელების საფრთხისგან საზოგადოების მაქსიმალურად დასაცავად".

StopCov ფონდი მთავრობის ინიციატივით შეიქმნა და შეგროვებული თანხა კორონავირუსის წინააღმდეგ საბრძოლველად უნდა დაიხარჯოს.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: