73 წლის მიშა ყარაულაშვილი ამბობს, რომ ბზობის დღესასწაულზე, ეკლესიის წინ ტიტის გაყიდვისას 3 000 ლარით დააჯარიმეს. რადიო თავისუფლებასთან ინტერვიუში ის აცხადებს, რომ ტიტების გაყიდვა გადაწყვიტა, რადგან ოჯახის წევრისთვის წამლის ფული არ ჰქონდა.

"გამოვედი წამლის საყიდლად ოთხის ნახევარზე და გამოვაყოლე 70 ტიტა. ავედი ვთქვი, რომ წამლის ფული არ მქონდა და უნდა მივსულიყავი და წამალი გამომეტანა. დავდექი ეკლესიის წინ და ვცდილობდი რომ გამეყიდა. გავყიდე 9 ცალი, 9 ტიტა და ამის გულისთვის დამაჯარიმეს 3 000 ლარით. ავიღე 6 ლარი. [...] პოლიციელებს ვეხვეწებოდი ნუ დამაჯარიმებთ, სამი ობოლი მყავს, მაგრამ არ გაითვალისწინეს", — ამბობს ის.

ბზობაზე საქართველოს ეკლესიებში ათეულობით ადამიანი იყო შეკრებილი, თუმცა საგანგებო მდგომარეობის წესების დარღვევის მიუხედავად, ისინი არ დაუჯარიმებიათ.