მსოფლიო რაგბის ორგანიზაციის საბჭოში სამი ახალი წევრი, საქართველო, რუმინეთი და აშშ მიიღეს.

ორგანიზაციის ხელმძღვანელთა თქმით, ქვეყნებმა შესაბამისი კრიტერიუმები დააკმაყოფილეს და გაფართოებული საბჭოს წევრობა დაიმსახურეს.

მსოფლიო რაგბის თავმჯდომარის, ბერნარ ლაპასეს განცხადებით, ეს ისტორიული დღეა, რადგან ახალი წევრების მიერ მათ მიმართ წამოჭრილი ამოცანების დაძლევა იმის მანიშნებელია, რომ რაგბი გლობალურად ვითარდება და მეტ პოპულარობას იძენს:

"მინდა, ეს ისტორიული დღე საქართველოს, რუმინეთსა და აშშ-ს მივულოცო. ამ ქვეყნებმა რაგბის განვითარებაში უდიდესი წვლილი შეიტანეს და კლავაც აგრძელებენ სასარგებლო საქმიანობას."

საქართველოს რაგბის კავშირის პრეზიდენტმა, გოჩა სვანიძემ განაცხადა, რომ ეს კიდევ ერთი საამაყო და წარმატებული დღეა ქართული რაგბის ისტორიაში.