დაავადებათა კონტროლის ცენტრის ცხელი ხაზი 116 001
ჯანდაცვის სამინისტროს ცხელი ხაზი 15 05
მთავრობის ცხელი ხაზი 144

აფხაზეთში 15 წლის მოზარდი გარდაიცვალა. როგორც გამოცემა აფსნიპრესი წერს, მას უკვე აუღეს კორონავირუსზე ანალიზი და პასუხს ელოდებიან.

ოკუპირებულ აფხაზეთში კორონავირუსთან ბრძოლის ოპერატიული შტაბი აცხადებს, რომ მოზარდი 7 აპრილს, ღამის თორმეტ საათზე საავადმყოფოში მძიმე მდგომარეობაში მიიყვანეს და ის ერთ საათში გარდაიცვალა. მათივე მტკიცებით, ბავშვს ბევრი თანდართული ქრონიკული დაავადება ჰქონდა და დიდი ხნის განმავლობაში წოლით რეჟიმზე იყო.

აფხაზეთის დე ფაქტო ხელისუფლებამ კორონავირუსის პირველი შემთხვევა 7 აპრილს დაადასტურა. მათი თქმით, ინფიცირებული გაგრის მაცხოვრებელია, რომელიც მოსკოვიდან ჩავიდა.

ამ დროისთვის, საქართველოში კორონავირუსის 208 დადასტურებული შემთხვევაა, მათ შორის 3 გარდაიცვალა, 48 კი გამოჯანმრთელდა. კარანტინის რეჟიმში იმყოფება 4682 ადამიანი, სტაციონარში მეთვალყურეობის ქვეშ — 375.

კორონავირუსის გავრცელების პრევენციისთვის საქართველოში 21 მარტს საგანგებო რეჟიმი გამოცხადდა და დამატებითი შეზღუდვები დაწესდა. აღნიშნული ზომები 31 მარტს გამკაცრდა, როცა პრემიერმინისტრმა გიორგი გახარიამ "ფაქტობრივი კარანტინი" გამოაცხადა. ამოქმედდა ე.წ. კომენდანტის საათი და სამზე მეტი ადამიანის შეკრება აიკრძალა.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: