ახალ ზელანდიაში ძლიერი ბიძგები განმეორდა, მას შემდეგ რაც 7,5 მაგნიტუდის სიმძლავრის მიწისძვრამ 2 ადამიანის სიცოცხლე იმსხვერპლა.

BBC-ის ინფორმაციით, შუაღამისას, ქვეყნის სამხრეთ კუნძულზე ასობით ბიძგი დაფიქსირდა, მათ შორის 6,3 მაგნიტუდის სიმძლავრის მიწისძვრაც.

მიწისძვრის ეპიცენტრი ახალი ზელანდიის ქალაქ კრაისტჩერჩის ჩრდილოეთ სანაპირო იყო, ქალაქ კეიკოურთან ახლოს, რომელიც მეწყერმა მეზობელი ქალაქებიდან გამოჰყო.

მეწყერმა დაარღვია დიდი მდინარის კალაპოტიც, რამაც "წყლის მაღალი კედლის" ქვემოთ გადინება გამოიწვია.

კლერენსის მდინარის სიახლოვეს მცხოვრებლებმა სასწრაფო გაფრთხილება მიიღეს დაეტოვებინათ სახლები და შემაღლებულ ადგილას გადააადგილებულიყვნენ.

მიწისძვრამ მოსახლეობის დიდი ნაწილი წყლისა და ელექტროენერგიის გარეშე დატოვა.

GeoNet, მთავრობის მიერ დაფინანსებული პროექტი, რომელიც მიწისძვირის მონიტორინგს ატარებს, ამბობს, რომ მომავალი რამდენიმე თვეების განმავლობაში ბიძგები განმეორდება.

ერთად შეჯგუფებული მოსახლეობა

ბიძგების განმეორების შემდეგ, მოსახლეობა ქვეყნის სხვადასხვა რეგიონებში მსგავს ემოციებს იზიარებენ.

უძილო ღამის შემდეგ, ისინი ფიქრობენ ორ დაღუპულზე და მათზე, ვინც მეწყერმა დასახლებას მოწყვიტა.

ამის მიუხედავად, მათ აქვთ შვების რეალური მიზეზი.

გუშინდელი მიწისძვრა იყო უფრო მაღალი მაგნიტუდის, ვიდრე 2011 წელს კრაისტჩერჩში მომხდარ დამანგრეველ მოვლენას, რომელსაც 185 ადამიანი ემსხვერპლა. 5 წლის წინანდელმა კატასროფამ გაანადგურა ქალაქის ცენტრიც.

ახალი ზელანდიის მოსახლეობა მეზობელი ქალაქებიდან დაზარალებულებს უსაფრთხო ადგილს სთავაზობს.

ევაკუირებული მოსახლეობა ქალაქ ველინგტონიდან.

ფოტო: Getty Images

დაღუპულები

საამშველო ჯგუფები მთელი ღამის განმავლობაში ცდილობდნენ მოსახლეობის გადარჩენას და ევაკუაციას აღმოსავლეთ სანაპიროზე.

ადგილობრივი მედიის ინფორმაციით, ქალაქ კეიკოურში 100 წლის ქალი და მისი რძალი ცოცხლად გამოიყვანეს სახლიდან, მას შემდეგ, რაც პირველი მიწისძვრამ მათი სახლი მთლიანად დაანგრია. მაშველებმა ვერ გადაარჩინეს ახალგაზრდა ქალის ქმარი, ის ნანგრევებში დაიღუპა.

მეორე მსხვერპლი კეიკოურის სამხრეთ-დასავლეთით დაფიქსირდა, თუმცა გავრცელებული ინფორმაციით, ის შესაძლოა არსებული ჯანმრთელობის მდგომარეობის გამო დაიღუპა.

ცუნამი

შეიძლება ითქვას, რომ ახალი ზელანდია მოსალოდნელ, დამანგრეველ ცუნამს გადაურჩა.

გუშინ ღამით ახალი ზელანდიის სამოქალაქო თავდაცვის მინისტრმა განაცხადა, რომ აუცილებელი იყო მოსახლეობის სასწრაფო ევაკუაცია, რადგან მოსალოდნელი იყო 3-დან 5 მეტრამდე სიმაღლის ტალღები.

2 მეტრის სიმაღლის ტალღები სანაპიროს პირველი მიწისძვრიდან მიუახლოვდა. ხელისუფლება კვლავ აფრთხილებს მოსახლეობას, სანაპიროსგან შორს იყვნენ.

Newshub-ის გავრცელებულ ვიდეოში, ჩანს, მეწყერის შედეგი კეიკოურის სიახლოვეს. 3 ძროხა მიწის პატარა ნაგლეჯზე დგას, მას შემდეგ, რაც მათ გარშემო ყველაფერი ჩამოიშალა.