ძლიერი მიწისძვრიდან 2 საათის შემდეგ, ახალი ზელანდიის ჩრდილოეთ სანაპიროს ცუნამი მიუახლოვდა. ოფიციალური ინფორმაციით, მისი პირველი ტალღები შესაძლოა არც ისე დიდი იყოს, თუმცა ის რამდენიმე საათი გაგრძელდება.

BBC-ის ცნობით, სანაპიროზე მყოფ მოქალაქეებს მოუწოდებენ, რომ შემაღლებული ადგილებისკენ გადააადგილდნენ.

ახალი ზელანდიის სამოქალაქო თავდაცვის მინისტრმა განაცხადა, რომ აუცილებელია მოსახლეობის სასწრაფო ევაკუაცია და მოსალოდნელია 3-დან 5 მეტრამდე სიმაღლის ტალღები.

პირველი ბიძგების შემდეგ, ზელანდიაში მიწისძვრა რამდენჯერმე განმეორდა. ბოლო ბიძგების სიმძლავრე 5,3 მაგნიტუდა იყო.