ოზურგეთში ტაძრის გაქურდვის ბრალდებით ორი არასრულწლოვანი დააკავეს. ამის შესახებ ინფორმაციას შინაგან საქმეთა სამინისტრო ავრცელებს. მათივე ცნობით, დაკავებულები ძმები არიან.

უწყების ცნობით, შემთხვევა 2 აპრილს ოზურგეთის საკათედრო ტაძარში მოხდა. მათივე ინფორმაციით, დაკავებულებმა ტაძრის შესასვლელ კართან მდებარე შესაწირავის ხის ყუთები დააზიანეს, მათში არსებული ფული მოიპარეს და შემთხვევის ადგილიდან მიიმალნენ.

მომხდარზე გამოძიება საქართველოს სისხლის სამართლის 177-ე მუხლის მე-2 ნაწილის "ბ" ქვეპუნქტით მიმდინარეობს, რაც ქურდობას გულისხმობს.