საქართველოს პრეზიდენტმა, სალომე ზურაბიშვილმა, დიდი ბრიტანეთის პრინც ჩარლზს სწრაფი გამოჯანმრთელება უსურვა. სალომე ზურაბიშვილმა პრინცისადმი ვიდეომიმართვა ტვიტერით გაავრცელა.

"ამ გაჭირვების ჟამს მოგმართავთ გაერთიანებული სამეფოს ხალხს, ჩვენ თქვენს გვერდით ვართ! პრინც ჩარლზს სწრაფად გამოჯანმრთელებას ვუსურვებ, თქვენ ყველას კი ჯანმრთელობასა და უსაფრთხოებას", — ამბობს პრეზიდენტი მიმართვაში.

დიდი ბრიტანეთის სამეფო ტახტის მემკვიდრეს, 71 წლის უელსის პრინც ჩარლზს კორონავირუსი დაუდასტურდა. ინფორმაციას ამის შესახებ BBC ავრცელებს.

პრინცის დაინფიცირების შესახებ ინფორმაცია კლარენსის სახლმა გაავრცელა. როგორც განცხადებაშია აღნიშნული მას სუსტი სიმპტომები აღენიშნება, სხვა მხრივ კი თავს კარგად გრძნობს. ტესტირება ჩაიტარა კრონველის ჰერცოგინია კამილამაც, თუმცა მას კორონავირუსზე უარყოფითი პასუხი დაუფიქსირდა.

კლარენსის სახლის ინფორმაციით, ჩარლზი და კამილა შოტლანდიაში, ბალმორალში იქნებიან თვითიზოლირებული. ამავე დროს, უცნობია თუ ვისგან გადაედო მას ვირუსი.