გახსოვთ ნიუ-იორკში, მარტის დასაწყისში, კორონავირუსზე დაგეგმილი კონფერენცია ინფექციის გავრცელების თავიდან ასარიდებლად რომ გადაიდო? სამწუხაროდ კენტუკიში 20 წელს გადაცილებული ახალგაზრდები ასე არ მოიქცნენ და წვეულება გამართეს, სადაც ერთი ადამიანი დაინფიცირდა.

როგორც გუბერნატორმა ენდი ბიშერმა კონფერენციაზე განაცხადა, "კორონავირუსის წვეულებას" უამრავი ადამიანი დაესწრო და წვეულების ორგანიზატორები და მონაწილეები გააკრიტიკა:

"ყველა, ვინც ამას აკეთებს, შეიძლება ფიქრობდეს, რომ სხვას ზიანს არ აყენებს, მაგრამ ვერ ხვდებიან, როგორ აყენებენ ზიანს საყვარელ ადამიანებს".

მას არ დაუკონკრეტებია, რამდენი ადამიანი დაესწრო წვეულებას. მან ის მოქალაქეები, რომლებიც შინ თვითიზოლაციაში რჩებიან პასუხისმგებლობის გამო შეაქო, დანარჩენებს კი მოუწოდა, რომ "კორონავირუსის წვეულებებისგან" თავი შეეკავებინათ.

"ჩვენ საკუთარ მშობლებზე და ბებიებზე და ბაბუებზე უნდა ვიზრუნოთ, ასეთმა საქციელმა შეიძლება ადამიანები მოკლას", — დასძინა მან.

მეცნიერები ახალ ვირუსს ჯერ კიდევ იკვლევენ და ჯერჯერობით უცნობია, COVID-19-სგან გამოჯანმრთელების შემდეგ იმუნური სისტემა რამდენი ხნით დაიცავს ადამიანს ვირუსით მომავალი დაინფიცირებისგან. ამ დროისთვის, კენტუკის შტატში კორონავირუსით დაავადების 163 შემთხვევაა დადასტურებული, მათგან 4 ინფექციამ უკვე იმსხვერპლა.

"იმედი მაქვს, მსგავსი რამ აღარ განმეორდება, შეგვიძლია ამაზე ბევრად უკეთესად მოვიქცეთ", — დასძენს გუბერნატორი.