თბილისი-ფოთის მიმართულებით მიმავალ სატვირთო მატარებელში გაჩენილ ხანძარს შუახნის კაცი ემსხვერპლა. ამის შესახებ ინფორმაციას საგანგებო სიტუაციების მართვის სამსახური ავრცელებს.

მათივე ცნობით, შემთხვევა ზესტაფონში მოხდა და ცეცხლი ერთ-ერთ ვაგონში გაჩნდა.

უწყების ცნობით, ადგილზე სამი სახანძრო-სამაშველო ჯგუფი მუშაობდა და მეხანძრე-მაშვებმა მისი ლიკვიდაცია გავრცელებამდე შეძლეს.

მომხდარ ფაქტზე გამოძიება საქართველოს სისხლის სამართლის კოდექსის 188-ე მუხლის მესამე ნაწილით დაიწყო.