დაავადებათა კონტროლის ცენტრის ცხელი ხაზი 116 001
ჯანდაცვის სამინისტროს ცხელი ხაზი 15 05

საქართველოში პოლონეთის საელჩოს ინფორმაციით, ხვალ, 17 მარტს, პოლონეთიდან საქართველოში ავიარეისი განხორციელდება. ავიაკომპანია LOT Polish Airlines-ს ფრენა 07:15 საათზე, ვარშავა-თბილისის მიმართულებით აქვს დაგეგმილი.

საქართველოში გამომგზავრების მსურველებს ბილეთის შეძენა ავიაკომპანიის ვებ-გვერდზე შეუძლიათ: m.lot.com/pl/en.

საქართველოს საგარეო საქმეთა სამინისტროში ამბობენ, რომ 16 და 17 მარტის რეისები საქართველოს მთავრობისა და პოლონეთში საქართველოს საელჩოს აქტიური ჩართულობით და თხოვნით დაინიშნა.

კორონავირუსის პრევენციისთვის, 14 მარტს ავიაკომპანია Wizz Air-მა პოლონეთის მიმართულებით ფრენები შეაჩერა, რის გამოც მოქალაქეთა ნაწილი ქვეყანაში დაბრუნებას ვერ ახერხებდა.

ამ ეტაპზე საქართველოში კორონავირუსით დაინფიცირების 33 შემთხვევაა და აქედან ერთი ადამიანი უკვე გამოჯანმრთელდა.

პანდემია და რეკომენდაციები

მას შემდეგ, რაც ჯანდაცვის მსოფლიო ორგანიზაციამ COVID-19, იგივე კორონავირუსი, საერთაშორისო პანდემიად გამოაცხადა, საქართველოს მთავრობა მუშაობის საგანგებო რეჟიმზე გადავიდა და ახალი შეზღუდვები და რეკომენდაციები გაავრცელა.

საქართველოში კორონავირუსით ინფიცირების 29 შემთხვევაა დადასტურებული: პირველი 26 თებერვალს დაფიქსირდა, მეორე დაავადებათა კონტროლის ცენტრმა 28 თებერვალს დაადასტურა, მესამე — 29 თებერვალს, მეოთხე — 5 მარტს დილით, დანარჩენი 5 კი ამავე დღეს საღამოს, 7 მარტს კორონავირუსით ინფიცირების კიდევ 4 შემთხვევა დადასტურდა, 9 მარტს კორონავირუსი 2 პაციენტს დაუდასტურდა, 10 მარტს კი კორონავირუსის კიდევ 8 შემთხვევა დადასტურდა, კიდევ 1 შემთხვევა კი — 11 მარტს, 25-ე შემთხვევა 12 მარტს დადასტურდა.

ასევე, 4 მარტს კორონავირუსი დაუდგინდა იტალიაში მცხოვრებ საქართველოს მოქალაქეს, 14 მარტს კი ათენში, მიუნხენდში და მადრიდში მყოფ საქართველოს მოქალაქეებს. საგარეო საქმეთა სამინისტროში აცხადებენ, რომ მათთან მუდმივ კონტაქტზე არიან.

წაიკითხეთ NCDC-სა და WHO-ს რეკომენდაციები კორონავირუსის პრევენციის შესახებ:

ამავე თემაზე: