ბათუმში კორონავირუსით ინფიცირების პირველი შეთხვევა დაფიქსირდა. ამის შესახებ ჟურნალისტებს აჭარის მთავრობის თავმჯდომარემ და ჯანდაცვის მინისტრმა განუცხადეს.

აჭარის მთავრობის თავმჯდომარის განცხადებით, ეს "იმპორტირებული დაინფიცირების" შეთხვევაა და აღნიშნული პირი ქვეყანაში შემოსვლის შემდეგ კარანტინში იმყოფებოდა, საიდანაც სიმპტომების გამოვლენის შემდეგ ბათუმის ინფექციურ საავადმყოფოში გადაიყვანეს. ჯანდაცვის მინისტრის თქმით, მას სხვა პირებთან, მათ შორის ოჯახის წევრებთანაც, კონტაქტი არ ჰქონია. მისივე თქმით, ინფიცირებულის ჯანმრთელობის მდგომარეობა სტაბილურია.

''მოსახლეობას მინდა ვთხოვო არ ავყვეთ პანიკას, არ გვაქვს ამის არანაირი საფუძველი", — განაცხადა მთავრობის თავმჯდომარე თორნიკე რიჟვაძემ.

სავარაუდოდ, ინფიცირებული 3 ახალ შემთხვევას შორისაა, რომელთა შესახებაც დღეს საღამოს გახდა ცნობილი, რადგან Stopcov.ge-ზე ინფიცირებულთა რაოდენობა არ გაზრდილა და ისევ 33 პირი რჩება.

პანდემია და რეკომენდაციები

საქართველოში კორონავირუსით ინფიცირების 33 შემთხვევაა დადასტურებული. მას შემდეგ, რაც ჯანდაცვის მსოფლიო ორგანიზაციამ COVID-19, იგივე კორონავირუსი, საერთაშორისო პანდემიად გამოაცხადა, საქართველოს მთავრობა მუშაობის საგანგებო რეჟიმზე გადავიდა და ახალი შეზღუდვები და რეკომენდაციები გაავრცელა.

წაიკითხეთ NCDC-სა და WHO-ს რეკომენდაციები კორონავირუსის პრევენციის შესახებ:

ამავე თემაზე: