დაავადებათა კონტროლის ცენტრის ცხელი ხაზი 116 001
ჯანდაცვის სამინისტროს ცხელი ხაზი 15 05

საქართველოში კორონავირუსით ინფიცირების 3 ახალი შემთხვევა დაფიქსირდა. ინფორმაცია Stopcov.ge-ზე გამოქვეყნდა.

ინფექციური საავადმყოსოს დირექტორის ახალ ინფიცირებულებს შორის ერთი ქალი და ორი კაცია. მისი თქმით, სამივე იყო კონტაქტში მაღალი რისკის ქვეყნებში უცხოელებთან.

ამ დროისთვის ინფიცირებულთა რიცხვი 33-მდე გაიზარდა. კარანტინის რეჟიმში რჩება 427 პირი, სტაციონარში მეთვალყურეობის ქვეშ — 73.

დღეს საქართველოში ინფიცირებულთა რაოდენობის კლებას და პირველი პაციენტის გამოჯანმრთელებას ელოდნენ, თუმცა პირველ ინფიცირებულს, რომელიც საქართველოში ირანიდან 26 თებერვალს შემოვიდა, კორონავირუსის ტესტზე დადებითი შედეგი დაუფიქსირდა. ამირან გამყრელიძის თქმით, პირველი უარყოფითი ტესტის შემდეგ, მეორე ტესტის პასუხი "სუსტად დადებითი" იყო, ამიტომ მათ განმეორებითი ანალიზის ჩატარება გადაწყვიტეს.

პირველ ტესტზე უარყოფითი შედეგი ჰქონდა მესამე პაციენტსაც, რომელიც ქვეყანაში, ასევე, ირანიდან შემოვიდა. მისი განმეორებითი ტესტის პასუხები ჯერ ცნობილი არ არის.

პანდემია და რეკომენდაციები

საქართველოში კორონავირუსით ინფიცირების 33 შემთხვევაა დადასტურებული. მას შემდეგ, რაც ჯანდაცვის მსოფლიო ორგანიზაციამ COVID-19, იგივე კორონავირუსი, საერთაშორისო პანდემიად გამოაცხადა, საქართველოს მთავრობა მუშაობის საგანგებო რეჟიმზე გადავიდა და ახალი შეზღუდვები და რეკომენდაციები გაავრცელა.

წაიკითხეთ NCDC-სა და WHO-ს რეკომენდაციები კორონავირუსის პრევენციის შესახებ:

ამავე თემაზე: