მთავრობის პრესსამსახურის ინფორმაციით, 16 მარტიდან კორონავირუსის პრევენციისთვის რუსეთის ფედერაციასთან მოქალაქეთა გადაადგილება შეიზღუდა. მათი განცხადებით, გადაწყვეტილება არ გავრცელდება იმ მოქალაქეებზე, რომლებიც საკუთარ ქვეყანაში დაბრუნების სურვილს გამოთქვამენ. ასევე, შეზღუდვა არ ეხება სატვირთო გადაზიდვებს.

პრესსამსახურის განცხადებით, გიორგი გახარიას დავალებით, პრემიერის სპეციალური წარმომადგენელი ზურაბ აბაშიძე დღეს დილით ტელეფონით ესაუბრა გრიგორი კარასინს და შეზღუდვების დაწესების საკითხი ერთად განიხილეს.

მოქალაქეთა გადაადგილება უკვე ყველა მეზობელ ქვეყანასთან არის შეზღუდული. რუსეთამდე ეს გადაწყვეტილება სომხეთს, აზერბაიჯანსა და თურქეთს შეეხო.

პანდემია და რეკომენდაციები

დაავადებათა კონტროლის ცენტრის ცხელი ხაზი 116 001
ჯანდაცვის სამინისტროს ცხელი ხაზი 15 05

საქართველოში კორონავირუსით ინფიცირების 30 შემთხვევაა დადასტურებული. მას შემდეგ, რაც ჯანდაცვის მსოფლიო ორგანიზაციამ COVID-19, იგივე კორონავირუსი, საერთაშორისო პანდემიად გამოაცხადა, საქართველოს მთავრობა მუშაობის საგანგებო რეჟიმზე გადავიდა და ახალი შეზღუდვები და რეკომენდაციები გაავრცელა.

წაიკითხეთ NCDC-სა და WHO-ს რეკომენდაციები კორონავირუსის პრევენციის შესახებ:

ამავე თემაზე: