ისრაელი კორონავირუსის გავრცელების შესამცირებლად 10 ადამიანის შეკრებას კრძალავს და დაწესებულებებს ხურავს. ამის შესახებ ინფორმაციას CNN პრემიერზე, ბენიამინ ნეთანიაჰუზე დაყრდნობით ავრცელებს.

პრემიერის თქმით ყველა კაფე, რესტორანი, თეატრი და სხვა მსგავსი ადგილი დაიხურება. მან ისრაელის მოქალაქეებს მოუწოდა, შეძლებისდაგვარად იმუშაონ სახლიდან და თავი შეიკავონ არასასურველი მოგზაურობისგან.

"ჩვენ ომში ვართ უხილავი მტრის წინააღმდეგ. მისი დამარცხება დამოკიდებულია თითოეული თქვენგაგნის ნაბიჯებზე. ჩვენ ყველაფერი უნდა გავაკეთოთ იმისათვის, რომ არ დავინფიცირდეთ და არ დავაინფიციროთ", — თქვა პრემიერმა.

ნეთანიაჰუს თქმით, აფთიაქები, სუპერმარკეტები და ყველა აუცილებელი მომსახურება ღია იქნება. პრემიერმა აღნიშნა, რომ ისრაელი ანტიტერორისტულ საშუალებას გამოიყენებს ვირუსის გავრცელებასთან ბრძოლაში. ეს საშუალებები უზრუნველყოფს პაციენტების ციფრულ და ელექტრონულ მონიტორინგს, თუ სად იყვნენ ისინი და ვის შეეძლოთ საფრთხე შეექმნათ. ნეთანიანჰუს თქმით, ასეთი საშუალებები არასდროს ყოფილა გამოყენებული სამოქალაქო მიზნებისთვის და ის ნებართვას იუსტიციის სამინისტროს სთხოვს.

ისრაელში ბოლო მონაცემებით კორონავირუსით ინფიცირების 193 შემთხვევაა დაფიქსირებული.

11 მარტს ჯანდაცვის მსოფლიო ორგანიზაციამ COVID-19, იგივე კორონავირუსი, საერთაშორისო პანდემიად გამოაცხადა.

წაიკითხეთ NCDC-სა და WHO-ს რეკომენდაციები კორონავირუსის პრევენციის შესახებ:

ამავე თემაზე: