დაავადებათა კონტროლის ცენტრის ცხელი ხაზი 116 001
ჯანდაცვის სამინისტროს ცხელი ხაზი 15 05

ინფექციური საავადმყოფოს დირექტორის, თენგიზ ცერცვაძის თქმით, პრემიერთან შეათანხმეს ქვეყანაში კორონავირუსის პრევენციისთვის საჭირო გეგმა. პირველ ეტაპზე 5 კლინიკასთან მოხდა შეთანხმება და ისინი ხვალიდან, 15 მარტიდან 451 საწოლს გაათავისუფლებენ პაციენტებისთვის. ამ კლინიკებიდან 4 სახელმწიფოს დაქვემდებარებაშია.

"აქამდე თუ მხოლოდ ინფექციურ საავადმყოფო იღებდა პაციენტებს, უკვე გადაწყდა, რომ პირველი რიგის მიმღებები იქნება 5 კლინიკა: ინფექციური საავადმყოფო, საუნივერსიტეტო კლინიკა, ყოფილი მერვე საავადმყოფო მთლიანად დაიცლება, ამის საჭიროება ჯერ არაა მაგრამ მოსახლეობა რომ მშვიდად იყოს. ასევე, მთლიანად გათავისუფლებდა რესპუბლიკური საავადმყოფო და იქ კარანტინში მყოფი პაციენტები გადაინაცვლებენ სხვა სივრცეში, ასევე, გორის ჰოსპიტალი. დამატებით ბოჭორიშვილის სახელობის კლინიკაში გამოიყოფა 11 საწოლი", — თქვა თენგიზ ცერცვაძემ.

მან აღნიშნა, რომ პრემიერთან შეთანხმებით ეს გადაწყვეტილება უკვე მიღებულია და 440 საწოლი ხვალიდან მზად იქნება პაციენტების მისაღებად.

დღეს, 14 მარტს საქართველოში კორონავირუსით ინფიცირების კიდევ 5 შემთხვევა დადასტურდა და ინფიცირებულების რაოდენობა 30-მდე გაიზარდა.

პანდემია და რეკომენდაციები

მას შემდეგ, რაც ჯანდაცვის მსოფლიო ორგანიზაციამ COVID-19, იგივე კორონავირუსი, საერთაშორისო პანდემიად გამოაცხადა, საქართველოს მთავრობა მუშაობის საგანგებო რეჟიმზე გადავიდა და ახალი შეზღუდვები და რეკომენდაციები გაავრცელა.

საქართველოში კორონავირუსით ინფიცირების 30 შემთხვევაა დადასტურებული: პირველი 26 თებერვალს დაფიქსირდა, მეორე დაავადებათა კონტროლის ცენტრმა 28 თებერვალს დაადასტურა, მესამე — 29 თებერვალს, მეოთხე — 5 მარტს დილით, დანარჩენი 5 კი ამავე დღეს საღამოს, 7 მარტს კორონავირუსით ინფიცირების კიდევ 4 შემთხვევა დადასტურდა, 9 მარტს კორონავირუსი 2 პაციენტს დაუდასტურდა, 10 მარტს კი კორონავირუსის კიდევ 8 შემთხვევა დადასტურდა, კიდევ 1 შემთხვევა კი — 11 მარტს, 25-ე შემთხვევა 12 მარტს დადასტურდა.

ასევე, 4 მარტს კორონავირუსი დაუდგინდა იტალიაში მცხოვრებ საქართველოს მოქალაქეს.

წაიკითხეთ NCDC-სა და WHO-ს რეკომენდაციები კორონავირუსის პრევენციის შესახებ:

ამავე თემაზე: