Bloomberg Billionaires Index-ის გამოთვლით, ქართული ოცნების თავმჯდომარემ, ბიძინა ივანიშვილმა 13 მარტის ვაჭრობის შედეგად $75 მილიონი დაკარგა. 11-12 მარტს მისი ქონება $5,25 მილიარდი იყო, 13 მარტს კი $5,12 მილიარდამდე შემცირდა.

საფინანსო ბაზრებზე ფასების ვარდნის პარალელურად ბიძინა ივანიშვილის ქონებაც მცირედება. 3 მარტს ივანიშვილის ქონება $200 მილიონით შემცირდა. 6 მარტის ვაჭრობის შემდეგ კი ხუთ დღეში მან $75 მილიონი დაკარგა.

2019 წლის ივნისიდან ბიძინა ივანიშვილის ქონება იზრდებოდა. ივნისის მონაცემებით, ის 5,27 მილიარდ აშშ დოლარს შეადგენდა, ხოლო ივლისში 5,37 მილიარდ აშშ დოლარი იყო. 8 ნოემბრის მონაცემით, ბიძინა ივანიშვილის ქონება კიდევ $450 მილიონი აშშ დოლარით გაიზარდა და 5,45 მილიარდი აშშ დოლარი გახდა. 27 დეკემბრისთვის კი ბიძინა ივანიშვილის ქონება $525 მილიონი აშშ დოლარით (+10,5%) გაიზარდა და 5,52 მილიარდი აშშ დოლარი შეადგინა.

ივანიშვილმა თავისი ქონების მნიშვნელოვანი წილი 2003-2006 წლების შუალედში, აქტივების მნიშვნელოვანი წილის გაყიდვის შემდეგ დააგროვა. ბიძინა ივანიშვილის ძირითადი ფინანსური საქმიანობა რუსეთთან არის დაკავშირებული. 1990-იანი წლებში ივანიშვილი აქტიურად მონაწილეობდა, რუსეთის საქმიან ცხოვრებაში. მისი ინტერესები ფართოდ იყო წარმოდგენილი რუსეთის ეკონომიკის სხვადასხვა სეგმენტში, მათ შორის, ფინანსების, ჯანდაცვისა და მძიმე მეტალურგიის სექტორში.