ესპანური საფეხბურთო გუნდი რეალ მადრიდი კორონავირუსის გამო კარანტინშია. კლუბი ლა ლიგის მინიმუმ ორი რაუნდის მატჩებს გამოტოვებს.

ეს ხდება მას შემდეგ, რაც რეალ მადრიდის კალათბურთელს კორონავირუსი დაუდგინდა, რომელიც სავარჯიშო დარბაზს ფეხბურთელებთან ერთად იყოფდა. ესპანურმა კლუბმა თავისი სპორტული ქალაქის ობიექტები უკვე დახურა.

"რეკომენდაცია იყო მოცემულია, რომ იზოლირებული ყოფილიყო როგორც საკალათბურთო, ისე საფეხბურთო გუნდი, რადგან ორივე მათგანი Ciudad Real Madrid სივრცეს იყოფდნენ", — ნათქვამია განცხადებაში.

ესპანეთში კორონავირუსის 2 277 შემთხვევაა დაფიქსირებული, აქედან 55 ადამიანი გარდაიცვალა.

პანდემია და რეკომენდაციები

მას შემდეგ, რაც ჯანდაცვის მსოფლიო ორგანიზაციამ COVID-19, იგივე კორონავირუსი, საერთაშორისო პანდემიად გამოაცხადა, საქართველოს მთავრობა მუშაობის საგანგებო რეჟიმზე გადავიდა და ახალი შეზღუდვები და რეკომენდაციები გაავრცელა.

საქართველოში კორონავირუსით ინფიცირების 24 შემთხვევაა დადასტურებული: პირველი 26 თებერვალს დაფიქსირდა, მეორე დაავადებათა კონტროლის ცენტრმა 28 თებერვალს დაადასტურა, მესამე — 29 თებერვალს, მეოთხე — 5 მარტს დილით, დანარჩენი 5 კი ამავე დღეს საღამოს, 7 მარტს კორონავირუსით ინფიცირების კიდევ 4 შემთხვევა დადასტურდა, 9 მარტს კორონავირუსი 2 პაციენტს დაუდასტურდა, 10 მარტს კი კორონავირუსის კიდევ 8 შემთხვევა დადასტურდა, კიდევ 1 შემთხვევა კი — 11 მარტს.

ასევე, 4 მარტს კორონავირუსი დაუდგინდა იტალიაში მცხოვრებ საქართველოს მოქალაქეს.

წაიკითხეთ NCDC-სა და WHO-ს რეკომენდაციები კორონავირუსის პრევენციის შესახებ:

ამავე თემაზე: