დაავადებათა კონტროლის ცენტრის ცხელი ხაზი 116 001

Stopcov.ge-ს ინფორმაციით, კორონავირუსის დადასტურებული შემთხვევები საქართველოში უკვე 23-მდე გაიზარდა. 10 მარტის მონაცემით, ინფიცირებულია დამატებით რვა პაციენტი. ჯერჯერობით უცნობია, ვისთან ჰქონდათ მათ შეხება. ამავე ვებგვერდის ცნობებით, კარანტინის რეჟიმში 126 ადამიანი რჩება ხოლო, სტაციონარში მეთვალყურეობის ქვეშ — 46 პაციენტია.

ინფექციური საავადმყოფოს დირექტორმა, თენგიზ ცერცვაძემ POSTV-ს ეთერში განმარტა, რომ ახალი შემთხვევებიდან ერთ-ერთი არის კაცი, რომელიც დღეს შევიდა მათთან:

"მას ჰქონდა კონტაქტი უკვე ინფიცირებულ პირთან და თვითონვე ვარაუდობს რო ჰქონდა საქმიანი ურთიერთობა მასთან, რაღაც სამუშაო შეასრულა, აიღო თანხა და ამ ფულით შეიძლება, მოხდა ინფიცირება. ინფიცირებულთა შორის ხუთი ადამიანი იყო იტალიაში. მათთან ერთად იტალიაში ნამყიფ ახალგაზრდა ქალს ერთი კვირის წინ დაუდასტურდა ვირუსი".

აქამდე, საქართველოში კორონავირუსით ინფიცირების 15 შემთხვევა იყო დადასტურებული. პირველი 26 თებერვალს დაფიქსირდა, მეორე დაავადებათა კონტროლის ცენტრმა 28 თებერვალს დაადასტურა, მესამე — 29 თებერვალს, მეოთხე — 5 მარტს დილით, დანარჩენი 5 კი ამავე დღეს საღამოს, 7 მარტს კორონავირუსით ინფიცირების კიდევ 4 შემთხვევა დადასტურდა, 9 მარტს კი კორონავირუსი 2 პაციენტს დაუდასტურდა.

ასევე, 4 მარტს კორონავირუსი დაუდგინდა იტალიაში მცხოვრებ საქართველოს მოქალაქეს.

წაიკითხეთ NCDC-სა და WHO-ს რეკომენდაციები კორონავირუსის პრევენციის შესახებ:

ამავე თემაზე: