დაავადებათა კონტროლის ცენტრის ცხელი ხაზი 116 001

შინაგან საქმეთა სამინისტროს განცხადებით, იტალიიდან საქართველოში ჩამოსული ორი ჩარტერული რეისის მგზავრები სპეციალურად გამოყოფილმა მესაზღვრე-კონტროლიორებმა განცალკევებით დაარეგისტრირეს. ჯანდაცვის სამინისტროს მონაცემებით, ორივე რეისზე ჯამში საქართველოს 184 მოქალაქე იყო.

"იტალიიდან დაბრუნებულმა საქართველოს მოქალაქეებმა ადგილზე გაიარეს თერმოსკრინინგის პროცედურა. ასევე, ეპიდემიოლოგების მიერ ადგილზევე შეივსო შესაბამისი დანართი", — განაცხადა საზღვრის მართვისა და კოორდინირების მთავარი სამმართველოს უფროსმა გურამ დავითაშვილმა.

შსს-ს ცნობით, იტალიიდან დაბრუნებული საქართველოს მოქალაქეები სპეციალურად გამოყოფილი ავტობუსებით საკარანტინო ზონაში გაემგზავრებიან.

მთავრობის გადაწყვეტილებით, კორონავირუსის გავრცელების პრევენციის მიზნით, 6 მარტს იტალიასთან პირდაპირი ფრენები დროებით შეჩერდა.

წაიკითხეთ NCDC-სა და WHO-ს რეკომენდაციები კორონავირუსის პრევენციის შესახებ:

ამავე თემაზე: