დაავადებათა კონტროლის და საზოგადოებრივი ჯანმრთელობის ეროვნული ცენტრის გენერალური დირექტორის მოადგილის პაატა იმნაძის თქმით ბაკურიანის სასტუმროს თანამშრომელს კორონავირუსი არ დაუდასტურდა. ამის შესახებ პაატა იმნაძემ TV პირველის ეთერში ისაუბრა.

"ცოტა ხნის წინ დამთავრდა 28 ანალიზი და ყველა უარყოფითია. ამ ნაწილში იყო ძალიან ბევრი კონტაქტი და განსაკუთრებით მინდა აღვნიშნო, ბაკურიანი იმიტომ, რომ დიდი პანიკაა იყო. იქ იყო უსაფუძვლო ეჭვი, რომ ერთ-ერთი სასტუმროს მომსახურე პერსონალი შეიძლება ყოფილიყო ინფიცირებული, მინდა დავაწყნარო ბაკურიანში მყოფი ჩვენი თანამოქალაქეები, რომ პასუხი უარყოფითია", — ამბობს პაატა იმნაძემ.

პაატა იმნაძემ თქვა, რომ პირველად დაფიქსირდა ესპანეთიდან, მადრიდიდან შემოტანილი შემთხვევა. ამ მიზეზით, პაატა იმნაძემ მოუწოდა მოქალაქეებს, რომ დიდი სიფრთხილე გამოიჩინონ ესპანეთიდან, საფრანგეთიდან, გერმანიიდან ჩამოსულებმა. მისი თქმით, სასურველია ეს ადამიანებიც თვითიზოლაციაში იყვნენ.

9 მარტის მდგომარეობით, საქართველოში კორონავირუსი 15 ადამიანს დაუფიქსირდა. ბოლო მონაცემებით, კარანტინში 178 ადამიანი იმყოფება, ხოლო სტაციონარში მეთვალყურეობის ქვეშ — 56.

ინფექციური საავადმყოფოს დირექტორის, მარინა ეზუგბაიას თქმით, ერთ-ერთ შემთხვევას კავშირი ჰქონდა მეოთხე პაციენტთან, რომელიც იტალიაში იყო. კიდევ ერთი ახალი შემთხვევა კი ესპანეთიდან ჩამოვიდა, თუმცა ჯერჯერობით უცნობია, ჰქონდა თუ არა მას იტალიელებთან კონტაქტი.

პირველი 26 თებერვალს დაფიქსირდა, მეორე დაავადებათა კონტროლის ცენტრმა 28 თებერვალს დაადასტურა, მესამე — 29 თებერვალს, მეოთხე — 5 მარტს დილით, დანარჩენი 5 კი ამავე დღეს საღამოს. ამასთანავე. 7 მარტს კორონავირუსით ინფიცირების კიდევ 4 შემთხვევა დადასტურდა.

ასევე, 4 მარტს კორონავირუსი დაუდგინდა იტალიაში მცხოვრებ საქართველოს მოქალაქეს.

წაიკითხეთ NCDC-სა და WHO-ს რეკომენდაციები კორონავირუსის პრევენციის შესახებ:

ამავე თემაზე: