დაავადებათა კონტროლის ცენტრის ცხელი ხაზი 116 001
ჯანდაცვის სამინისტროს ცხელი ხაზი 15 05

თბილისის ინფექციური საავადმყოფოს დირექტორის, თენგიზ ცერცვაძის თქმით, საავადმყოფოში მოთავსებული კორონავირუსით ინფიცირებული 12 ადამიანიდან, კიდევ 1 პაციენტის მდგომარეობა დამძიმდა. მისი თქმით, ინფიცირებულს ტემპერატურამ აუწია და სავარაუდოდ მასაც ორმხრივი პნევმონია აქვს.

როგორც ცერცვაძე ამბობს, ბოქსირებულ განყოფილებაში ამ დროისთვის 42 პაციენტია მოთავსებული და მათგან 17-ის ანალიზის პასუხი ლუგარის ლაბორატორიიდან ჯერ ცნობილი არ არის.

"ისევ გვყავს 12 ინფიცირებული პაციენტი. მათგან ერთის მდგომარეობა რჩება შედარებით მძიმე. მას აქვს ორმხრივი ფილტვების ანთება და უტარდება ყველა სამკურნალო ღონისძიებები. მას ჯერ არ დასჭირვებია ინტენსიური თერაპიის ღონისძიებები და ჟანგბადის თერაპია, თუმცა შესაძლოა, დასჭირდეს და ამისათვის მზად ვართ. კიდევ ერთი პაციენტი შედარებით დამძიმდა, ტემპერატურამ აიწია 38-მდე. 12-დან ორი ადამიანი არის შედარებით მძიმე. ამ ორიდან ერთი კიდევ შედარებით უფრო მძიმე. დანარჩენი 10 პაციენტიდან ერთი აბსოლუტურად უსიმპტომოა და ცხრას აქვს მინიმალური სიმპტომები: ტემპერატურის მატება, ყელის ტკივილი, მსუბუქი ხველა და ა.შ", — განაცხადა თენგიზ ცერცვაძემ.

კორონავირუსით ინფიცირებული კიდევ ერთ ინფიცირებულ პაციენტი საჩხერის კლინიკაშია მოთავსებული. თენგიზ ცერცვაძის თქმით, მას არ აქვს ინფორმაცია, იგეგმება თუ არა პაციენტის თბილისის ინფექციურ საავადმყოფოში გადაყვანა. მისი თქმით, ეს შემთხვევა, სავარაუდოდ, ძალიან მსუბუქია.

ამ ეტაპზე საქართველოში კორონავირუსით ინფიცირების 13 შემთხვევაა დადასტურებული. პირველი 26 თებერვალს დაფიქსირდა, მეორე დაავადებათა კონტროლის ცენტრმა 28 თებერვალს დაადასტურა, მესამე — 29 თებერვალს, მეოთხე — 5 მარტს დილით, დანარჩენი 5 კი ამავე დღეს საღამოს. ამასთანავე. 7 მარტს კორონავირუსით ინფიცირების კიდევ 4 შემთხვევა დადასტურდა.

ასევე, 4 მარტს კორონავირუსი დაუდგინდა იტალიაში მცხოვრებ საქართველოს მოქალაქეს.

წაიკითხეთ NCDC-სა და WHO-ს რეკომენდაციები კორონავირუსის პრევენციის შესახებ:

ამავე თემაზე: