New York Post სტატიას აქვეყნებს, რომელშიც წერია, რომ საშუალო ასაკის ღიპიანი კაცები, შესაძლოა, უფრო ჯანმრთელები იყვნენ, ვიდრე გამხდრები.

იელის უნივერსიტეტის ანთროპოლოგიის პროფესორი, რიჩარდ ბრიბიესკასი ამბობს, რომ დაბალი ტესტოსტერონის გამო, მცირედით ჭარბწონიანი კაცები უფრო იშვიათად ეტანებიან სარისკო, სიცოცხლისთვის საშიშ აქტივობებს. შესაბამისად კი, ამბობს ბრიბიესკასი, ისინი უფრო ფოკუსირებულები არიან თავიანთი ოჯახების მოვლა-პატრონობაზე.

პროფესორი ასევე ამბობს, რომ კაცებს მრგვალი ფორმებით, დაბალი ტესტოსტერონის დონით, ინფარქტისა და პროსტატის კიბოს გაჩენის ნაკლები რისკი აქვთ. მისი თქმით, ეს დასკვნები ეხებათ არა ძალიან ჭარბწონიანებს, არამედ მათ, ვისი წონაც საგანგაშო არაა.